UcceeblohováldálâšUcceeblohováldálâš lii virgeomâhâš, kiän pargon lii ovdediđ etnisâš ucceeblovvoid já olgoeennâmlâš ulmui sajattuv, oovtviärdásâšvuođâ já vuoigâdvuotâtorvo sehe šiev etnisâš koskâvuođâid Suomâst. Ucceeblohováldálâš lii meiddei almugijkoskâsâš olmooškävppiraportistee.
Ucceeblohováldálâžân puáhtá väldiđ ohtâvuođâ talle jis lii kuáhtám etnisâš olgoštem tâi lii mudoi huámášâm taggaar tábáhtum. Olgoštemtábáhtusâin já eres koččâmâšâin puáhtá suáittiđ ucceeblohováldálii toimâttuv äššigâšpalvâlmân p. 071 878 8666 (argâpeeivij 10-12).
Ucceeblohováldálâš kocá oovtviärdásâšvuođâlaavâ miäldásâš etnisâš olgooštmettumvuođâ olášume já olgoeennâmlâš ulmui vuoigâdvuođâi olášume. Ucceeblohováldálâš tuáimá já vaikut jieškote-uv vuovijguin etnisâš olgoštem estimân já oovtviärdásâšvuođâ oovdedmân sehe tarvan ciälkkámušâiguin já peleväldimijguin olgooštmân.
Ucceeblohováldálii sajattâh lii jiečânâs já hiäŋgáámettum. Haaldâšlâšlávt ucceeblohováldálii toimâttâh lii sajaldittum sisašijnministeriö ohtâvuotân. Ucceeblohováldálâžžân tuáimá Eva Biaudet.
|
