Saakakiireskotšeenjiba

Aro minoritetjengovollabeskiiresko ofisia hin saakakiireskotšeenjiba, kai vojuvena lel kontakto

  • ke tu hin pinsadal elle dik jal ringtšuuviba dotta koon tu san elle to auriakothemmengiiresko ĥaal
  • ke tu pinsaveha te avel rasistiako elle uutanpattiba dikkemeske it doĥĥengo ĥaal
  • aro anglal phenlo saaken niina vauresko ĥaal elle tšetane saakengo ĥaal

Aro ringtšuuvime saaken minoritetjengovolliboskeri byrjyla hyövime butti.

Are vaure saakengo sar etnivitika elle auriakothemmengiirengo ringtšuuvibosko volliba elle doolengo sikjiba na ĥunjuvena aro minoritetjengovolliboskerjako butti. Sar hin höyvime ame sikavaha saakakiires vollime hougaajesko neer.

Minoritetjengovolliboskerjako ofisia vojuvaha te kontakto ajasave maneerji:

Baĥiba

Volliboskeresko bahibosko numra hin 071 878 8666 (divisi 10-12). Aro baĥiba vollila praalunodikkiboskero kai dela sikjiba saakesko klaarimeske ta sömsila vojime altino buttiatta,  jakkes te rigaves saaka duurilde.

Aro baĥiba ame vojuvaha te tšeenjaven tuut finttikas, sveittikas ta englikaanes.

Aro divisako volliboskotiija hin ĥaabenesko- ta samliboskotiiji. Douva tiiji baĥibi risuvena aro sentraalo, kai phukavena neeride tšeen jibosko tiijata.

Elektropostis elle lil

Aro ringtšuuvime saaken ta panna vaure puĥĥibi menge vojuvena bitšaven e-mail aro adresso ofm(at)ofm.fi.

Lil vojuvena bitšaven aro adresso:

Vähemmistövaltuutetun toimisto
PL 26
00023 VALTIONEUVOSTO

Lil vojuvena panna bitšaven ofisiako volliboskereske, aro adresso Mikonkatu 25.

Ke tu na hajuveha finitika, sveittika elle engliska, tu vojuveha bitšaven lil elle e-mail niina to iego dakotšimb, jakkes te minoritetjengovolliboskerjako ofisia risula lil. Datta na vela tšii presiba saakakiireske. Ame kammaha te tukko liljesko langĥtiba na aaĥĥelas butide sar dui paš.

Meknime saaki:

Ofisiako tšeenjibi na presavena tšii. Baĥibongiire na nouruvena presaven vaure fröijime tšeenjime baĥibonna, bi dola börjimesömsime presibi. Koon puĥĥela, dooleske ame vojuvaha te baĥaves paalal.

Saakakiireskoaaviba vojuvaha sömsaves naalunotiija, jakke te douva perdalroodiboskero vojula te lel apre hyövime tiija, samlaves höyvime džaaniba saakata ta stellaves risiboskero doori kai hin hyövime.





< Paalal > Lee auri paĥ