Äššigâšpalvâlem

Ucceeblohováldálii toimâttuvâst lii äššigâšpalvâlem, kuus puáhtá väldiđ ohtâvuođâ
  • jis lah kuáhtám tâi huámášâm olgoštem etnisâš algâpuátimâd tâi olgoeennâmlâšvuođâd keežild 
  • jis tuubdah et lah šoddâm siämmái aašij keežild kohtâluđ rasistilávt tâi epiášálávt
  • ovdeláá mainâšum aašijn meid nube ulmuu peeleest tâi ohtsii ääšist
Olgoštemtábáhtusâin ucceeblohováldálâš riämá tárbulijd toimáid.

Eres ko etnisâšvuotân tâi olgoeennâmlâšvuotân lohtâseijee olgoštem kocceem tâi toid kullee ravvim iä kuulâ ucceeblohováldálii toimâsuárgán. Táárbu mield mij stivrip tábáhtus ääšist toimâváldálâš virgeomâhâžân.
 
Ucceeblohováldálii toimâttâhân puáhtá leđe ohtâvuođâst čuávvoo vuovijguin:
 
Puhelin
 
Koccee puhelinnummeer lii 071 878 8666 (argâpeeivij 10-12). Puhelimest koccee pajetärhisteijee addel ravvuid ääši čielgiimân já suápá máhđulijn jotkâtooimâin ääši ovdâskulij tuálvumân.
 
Puhelimest pyehtip palvâliđ tuu suomâkielân, ruotâkielân tâi eŋgâlâskielân.

Koccee puhelinnumerist láá purâdem- já ráđádâllâmpuudah. Talle suáituh jurgâluveh puhelinkuávdážân, mast almottuvvoo tärhibeht, kost äššigâšpalvâlem fättee kiddâ.
 
Šleđgâpostâ tâi reivâ

Olgoštemtábáhtusâin já eres koččâmâšâin puhtá vuolgâttiđ mijjân šleđgâpoostâ čujottâsân ofm(at)ofm.fi.   
 
Reeivâ puáhtá vuolgâttiđ čujottâsân:
                      Vähemmistövaltuutetun toimisto
                      PL 26
                      00023 VALTIONEUVOSTO
 
Reeivâ puáhtá vuolgâttiđ meiddei virgádâhmiäštárân, čujottâsâst Mikonkatu 25.
 
Jis jieh määti suomâkielâ, ruotâkielâ tâi eŋgâlâskielâ, puávtáh toimâttiđ reeivâ tâi šleđgâpoostâ meid jieijâd eenikielân já ucceeblohováldálii toimâttâh jurgâlut reeivâ. Täst iä šoodâ kuástádâsah äššigâžân. Mij tuáivup, et tuu toimâttâm teevstâ kukkodâh ličij enâmustáá kyehti siijđo.
 
Huámášemviärdásiih ääših:
 
Toimâttuv palvâlusah láá nuuvtá. Suáittimijn šaddeh suáittei táváliih lohtâsemsopâmuš miäldásiih koloh, sierânâs palvâlemmáávsu suáittimijn ij taarbâš mäksiđ. Pivdemist pyehtip suáittiđ tunjin maasâd.
 
Äššigâšelimist kalga sooppâđ muuneeld, vâi ääši hoittájeijee pajetärhisteijee puáhtá väridiđ ääši vättee ääigi, nuurrâđ ääši kieđâvušmân tárbulii tiäđu já orniđ táárbu mield tuulhâ äššigâšelimân.




< Maasâd > Printtii siijđo